Rammeavtale for planfagleg bistand, konsekvensutgreiing, reguleringsplanarbeid og planvask

Fyresdal kommune inviterer til open tilbodskonkurranse om rammeavtale for planfagleg bistand, konsekvensutgreiing, reguleringsplanarbeid og planvask. Kommunen har dei komande åra behov for ekstern planfagleg kapasitet og kompetanse knytt til fleire større og mindre planoppgåver. Dette gjeld mellom anna konsekvensutgreiing av alternative hotellokaliseringar, reguleringsplanarbeid for vald hotellokalisering, bistand i samband med kommuneplanens arealdel og planvask av eldre kommunale reguleringsplanar og arealdisponeringar. Målet med anskaffinga er å inngå rammeavtale med ein leverandør som kan bistå kommunen med praktisk, fagleg og prosessuell planbistand etter plan- og bygningslova. Leverandøren skal kunne levere både strategisk rådgiving, konkrete plandokument, konsekvensutgreiingar, plankart, føresegner, ROS-analysar, medverknadsopplegg og grunnlag for politisk behandling.